மாநில பள்ளி 20 ஓவர் கிரிக்கெட்: சாந்தோம், செயின்ட் பீட்ஸ் அரைஇறுதிக்கு தகுதி


நெல்லையை அடுத்த சங்கர்நகரில் உள்ள இந்தியா சிமெண்ட்ஸ் மைதானத்தில், பள்ளிகளுக்கு இடையே மாநில அளவிலான 20 ஓவர் கிரிக்கெட் போட்டி நடந்து வருகிறது.
நெல்லை, 
 
நேற்று நடந்த ஒரு ஆட்டத்தில் செயின்ட் பீட்ஸ் (சென்னை)-நீலாம்பாள் சுப்பிரமணியம் (சேலம்) அணிகள் சந்தித்தன. முதலில் பேட்டிங் செய்த செயின்ட் பீட்ஸ் அணி 2 விக்கெட் இழப்புக்கு 193 ரன்கள் குவித்தது. சுபாங் மிஷ்ரா 72 ரன்கள் விளாசினார். தொடர்ந்து ஆடிய நீலாம்பாள் அணி 10.2 ஓவர்களில் 43 ரன்னில் சுருண்டது. இதனால் செயின்ட் பீட்ஸ் அணி 150 ரன்கள் வித்தியாசத்தில் ‘மெகா’ வெற்றி பெற்று அரைஇறுதிக்குள் நுழைந்தது. மற்றொரு ஆட்டத்தில் சாந்தோம் (சென்னை) அணி 89 ரன்கள் வித்தியாசத்தில் கன்கார்டியா (வேலூர்) அணியை தோற்கடித்து 3-வது வெற்றியுடன் அரைஇறுதியை எட்டியது. 
 
இன்று நடைபெறும் அரைஇறுதி ஆட்டங்களில் செயின்ட் பீட்ஸ்- மதுரை லீ சாட்லியர் (காலை 9 மணி), சாந்தோம்- கோவை ஜெயேந்திர சரசுவதி (பகல் 1 மணி) அணிகள் மோதுகின்றன.
பள்ளிகளுக்கு இடையே மாநில அளவிலான ஜூனியர் சூப்பர் கிங்ஸ் 20 ஓவர் கிரிக்கெட் போட்டி நெல்லையில் நடந்து வருகிறது. இதில் 2-வது நாளான நேற்று நடந்த ஆட்டம் ஒன்றில் செயிண்ட் பீட்ஸ் (சென்னை)-ஜெயேந்திர சரசுவதி (கோவை) அணிகள் மோதின. முதலில் பேட் செய்த செயிண்ட் பீட்ஸ் அணி 19.4 ஓவரில் 126 ரன்னில் ‘ஆல்-அவுட்’ ஆனது. தொடர்ந்து ஆடிய ஜெயேந்திர சரசுவதி அணி 20 ஓவர்களில் 4 விக்கெட் இழப்புக்கு 123 ரன்களே எடுத்தது. இதனால் செயிண்ட் பீட்ஸ் அணி 3 ரன் வித்தியாசத்தில் திரில் வெற்றி பெற்றது.
 
மற்றொரு ஆட்டத்தில் சாந்தோம் (சென்னை)-ஸ்ரீரங்கம் பள்ளி (திருச்சி) அணிகள் சந்தித்தன. முதலில் பேட்டிங் செய்த சாந்தோம் அணி 9 விக்கெட்டுக்கு 147 ரன்கள் சேர்த்தது. அடுத்து களம் கண்ட ஸ்ரீரங்கம் அணி 20 ஓவர்களில் 7 விக்கெட்டுகளை இழந்து 86 ரன்களே எடுத்தது. இதனால் சாந்தோம் அணி 61 ரன்கள் வித்தியாசத்தில் வெற்றி பெற்றது. மற்ற ஆட்டங்களில் பிளோட்டோஸ் அகாடமி (திருப்பூர்), லீ சாட்லியர் (மதுரை) ஆகிய அணிகளும் வெற்றி பெற்றன.